“L’Ardor”
Mi da fioeu giugavi al balùn,
giugavi ne L’Ardor a l’uratori de Bulà
Seri in difesa, fasevi el central,
diseven che seri un mùr per tùcc i aversar
Ogni tant segnavi anca mì, pecà che segnavi nela porta sbagliada,
el me purtè el ciamaven “Galett”: senti chel vùsa ammò adèss
Pur de giugà faseum de tutt: tiravum la ret, taiaum l’erba, segnaum el camp,
minga cume i fioeu de adèss che me sembren un po’ visiusètt
L’alenadùr l’era el siur Lino, el sembrava sever ma l’era trop bùn,
ogni tant el me riprendeva, ma el gh’era prori resùn
La partida dificil l’era cun la Bulates,
l’altra squadra forta del paes
Mi adess sum ubligà, tre omm devi propri ringrazià:
el Mont, l’Anun e el Marangun,
che sultant per pasiun, tantu an fà per quei fioeu là
Autur: el pensiunà